Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2022 оны 12 сарын 07, Лхагва
Шалтгаан тодорхойгүй хүүхдийн цочмог гепатитын халдвар нь коронавирустай холбоогүйг тогтоожээ

Шалтгаан тодорхойгүй хүүхдийн цочмог гепатитын халдвар нь коронавирустай холбоогүйг тогтоожээ

Эх сурвалж: Bataar.mn Хэвлэл мэдээллээр 2022-07-27 17:59:00

ЛОНДОН. /Zaobao/. Сүүлийн арван сарын хугацаанд дэлхийн зарим улс орнуудад бүртгэгдээд байсан шалтгаан тодорхой бус хүүхдийн цочмог гепатитын халдвар нь коронавирустэй холбоогүй болохыг Их Британид хийсэн судалгаагаар тогтоожээ.


Уг өвчин нь нэгэн зэрэг хоёр өөр төрлийн вирусээр халдварласнаас үүдэлтэй болохыг тус судалгаагаар тогтоосон байна.


ДЭМБ-ын мэдээлснээр, өнгөрсөн оны 10 дугаар сараас хойш дэлхийн 35 улсын 1010 хүүхэд шалтгаан нь тодорхойгүй элэгний цочмог гепатитын халдвар бүртгэгдсэн бөгөөд эдгээрээс 46 хүүхэд элэг шилжүүлэн суулгах мэс засалд орох шаардлагатай болсон бол 22 нь нас баржээ.


Их Британи улсад 268 тохиолдол бүртгэгдсэний дийлэнх нь 5-аас доош насны хүүхэд байсан ба нийт тохиолдлын 40 орчим хувь нь хүнд, 12 нь элэг шилжүүлэн суулгах мэс засалд орох шаардлагтай байсан байна.


Өвчний шалтгааныг олохын тулд Шотланд, Лондонд нэгэн зэрэг хоёр тусдаа судалгааг явуулжээ. Судалгааны дүнд өвчтөнүүдийн 96 хувьд нь аденозтой холбоотой хоёрдугаар хэлбэрийн вирус /AAV2/ өндөр байсан ба коронавирустэй ямар ч холбоогүй байжээ.  

montsame.mn

Эх сурвалж: Bataar.mn Хэвлэл мэдээллээр 2022-07-27 17:59:00

Сэтгэгдэл бичих